Die Gereformeerde Gemeenskapskerk se verstaan van God se Woord word opgesom in die Drie Formuliere van Eenheid:

• Die Nederlandse Geloofsbelydenis: In 'n tyd van groot vervolging van die Protestantse Kerke is hierdie Belydenisskrif deur Guido de Bres opgestel. Dit was in die jaar 1561 in die Suidelike Nederlandse (vandag België) opgestel.

• Die Heidelbergse Kategismus: Hierdie Belydenisskrif het in 1563 te Heidelberg, Duitsland, ontstaan. Op versoek van die keurvors Frederik III van die Paltz is dit as 'n leerboek vir die skole opgestel deur onder andere Zacharias Ursinus en Caspar Olevianus. 

• Die Dordtse Leerreëls: Die Sinode van Dordrecht (1618-1619) het die leerreëls opgestel as reaksie teen die leerstellings van Arminius.

Ons bely ook die Ekumeniese Belydenisskrifte:

• Die Apostoliese Geloofsbelydenis: Ook bekend as die Twaalf Artikels, is 'n geloofsbelydenis wat reeds vanaf die 2de eeu ontstaan het en verder ontwikkel het totdat dit ongeveer in die vierde eeu sy finale beslag gekry het.

• Die Geloofsbelydenis van Nicea: Hierdie Belydenisskrif word genoem na die plek Nicea (Klein-Asië) waar daar in die jaar 325 'n Sinode gehou is en waar die dwalings van Arius verwerp is. 

• Die Geloofsbelydenis van Atanasius: Hierdie Belydenisskrif word genoem na Atanasius, die verdediger van die Skriftuurlike leer teen die dwalings van Arius in die 4de eeu, alhoewel dit betwyfel word of dit Atanasius self was wat dit opgestel het. Dit vertolk egter die Kerk se standpunt oor die leer van die Drie-Eenheid.

Die gereformeerde leer kan opgesom word in 5 frases (5 solas)

• Sola Scripture - die Skrif alleen

• Sola Gratia - genade alleen

• Sola Fide - geloof alleen

• Solus Christus - Christus alleen

• Soli Deo Gloria - Eer aan God alleen

Predikant:

Ds. Ruan Steyn

+264 81 595 0113

steyn.ruan1@gmail.com

Kerkkantoor en Skriba:

gemeenskapskerkoshakati@gmail.com

Adres:

Erf 5471, Elyambala-straat, Ongwediva

Reformed Community Church

Bank Windhoek

Rekeningnommer: 8021422743

Takkode: 485-673 (Ongwediva)